Ýürek buýsanjy
1377Gülzada Begmyradowa:
Halkara parahatçylyk we ynanyşmak ýylynda maňa hem giriş synaglaryny üstünlikli tabşyryp, Türkmen döwlet medeniýet institutynyň medeniýeti öwreniş taýýarlyk ugrunyň bagtyýar talyby bolmak bagty miýesser etdi. Men çagalyk ýyllarymdan mekdebimiziň çägindäki, etrabymyzdaky we ýurt derejesindäki ders, döredijilik bäsleşiklerine yzygiderli gatnaşyp, baýrakly orunlara mynasyp boldum. Şeýle hem 2023-nji ýylynda Türkmenistanyň Oguz han adyndaky Inžener-tehnologiýalar uniwersitetinde geçirilen “Oguz hanyň zehinli nesilleri” atly integrirlenen olimpiadanyň ýeňijisi boldum. 2024-nji ýylda Aşgabat şäherindäki maliýe-ykdysady orta hünär okuw mekdebiniň geçiren ykdysadyýetiň esaslary dersi boýunça olimpiadada 3-nji orna mynasyp boldum.
Bu gün bolsa, saýlap alan taýýarlyk ugrum medeniýeti öwreniş ugry boýunça Türkmen döwlet medeniýet institutynda talyplyga kabul edildim. Biziň Türkmenistan Watanymyzda ylma-bilime, sporta, medeniýete we sungata höwesli ýaşlar üçin iň ýokary şertler döredilip berilýär. Biz – Bitarap Watanyň iň bagtyýar nesli! Bu gün meniň iň arzyly arzuwym hasyl boldy. Şeýle uly mümkinçilik üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýüregimizden sagbolsunlarymyzy aýdýarys. Gahryman Arkadagymyzyň, Hormatly Prezidentimiziň janlary sag, ömürleri uzak bolsun, belent başlary aman bolsun!
