ÝYLLAR SERPAÝLY GELÝÄR
1062 Hawa, ajaýyp Diýarymyzda ýyllar serpaýly gelýär hem-de ýatda galyjy, göwün joşduryjy wakalary bilen hakydalarymyza ýazylýar. 2023-nji ýyl hem taryhy ähmiýetli wakalara baý boldy. Şöhrata beslenen “Arkadag Serdarly bagtyýar ýaşlar ýylynda” ýurdumyzda ýaşlaryň durmuşynda aýratyn mazmuna eýe bolan wakalaryň birnäçesi bolup geçdi. Ýylyň ahyrlap barýan günlerinde geçirilen tele söhbetdeşlik hem şol wakalara bagyşlandy. 2023-nji ýylda ýurdumyzda “Akylly şäher” şäher-gurluşyk taslamasy durmuşa geçirilip, dünýäniň döwrebap şäherleriniň hataryna türkmen Diýarynda gurlan ýene bir şäher goşuldy. Üstümizdäki ýylyň 2-nji oktýabrynda Arkadag şäherindäki Aba Annaýew adyndaky Halkara atçylyk akademiýasynda “Dialog – parahatçylygyň kepili” atly halkara ýaşlar forumy geçirildi. Noýabr aýynda bolsa, Mary şäherinde, “Beýik Ýüpek ýolunyň täze eýýamy” ady bilen Merkezi Aziýa ýurtlary bilen Hytaýyň ýaşlarynyň forumy geçirildi. “Arkadag Serdarly bagtyýar ýaşlar ýylynyň” üstünlikleri bizi täze işlere we döredijilikli başlangyçlara ruhlandyrýar. Ýurdumyzda 27-nji dekabrda geçirilmegi meýilleşdirilýän ýaşlar forumy hem bagtdan ýürekleri joşgunly ýaşlaryň pikirlerini paýlaşmaga uly mümkinçilikleri açar diýip pikir edýäris. “Arkadag Serdarly bagtyýar ýaşlar ýylynyň” şanly üstünliklerine bagyşlanan tele söhbetdeşlige gatnaşyjylar hem şolar hakynda ynamly bellediler. “Ýaşlyk teleýaýlymy üçin ýazgy edilen bu söhbetdeşligi institutyň talyby Jemal Hoşgeldiýewa alyp bardy. Sungaty öwreniş ylymlarynyň kandidaty, Sähragül Janmämmedowanyň, ýaş alym Gülşat Pirjanowanyň täsirli gürrüňleri tele tomaşaçylara hem ýakymly täsir eder diýip ynanýarys. Söhbetdeşligiň ahyrynda oňa gatnaşyjylar Milli Liderimize, Arkadagly Gahryman Serdarymyza egsilmez alkyşlaryny aýtdylar. Täze ýyl baýramçylygy bilen gutladylar.
Pirjanowa Gülşat
Türkmen döwlet medeniýet
Institutynyň Syýahatçylyk
fakultetiniň mugallymy
