Institutymyzyň täzelikleri

Berkarar döwletimiziň täze eýýamynyň Galkynyşy döwründe Türkmenistanyň Oguz han adyndaky Inžener-tehnologiýalar uniwersiteti tarapyndan ýurdumyzyň ýaşlarynyň arasynda guralan innowasion tehnologiýalaryň bäsleşigine ýokary okuw mekdebimiziň mugallymlary Pirjanowa Gülşat, Meredowa Gülaýym, Myhmanhana işewürligi taýýarlyk ugrunyň 3-nji ýyl talyby Çaryýewa Jeren “Garagum çölünde syýahatçylyk zolagyny döretmegiň ylmy esaslary” atly ylmy taslamasy bilen çykyş edip, özleriniň erjelligi we zehinleri bilen garşydaşlaryndan tapawutlanyp, II derejeli diplom bilen sylaglandylar. Bu ylmy taslama Ýaponiýa, Russiýa, Gruziýa, Ukraina, Türkiýe, Germaniýa, Azerbaýjan, Owganystan, Gazagystan, Fransiýa, Awstriýa, Özbegistan, Koreýa, Hindistan, Päkistan, Braziliýa döwletleriniň professor-mugallymlary, ylmy-barlag institutlaryň tanymal alymlary, edara-kärhanalaryň we kompaniýalaryň ýolbaşçylary gatnaşdylar. Taslama 150-den gowrak iş gatnaşyp, oňa uniwersitetiň professor-mugallymlaryndan düzülen eminler topary we daşary ýurtly wekiller baha berdiler.