«Medeniýet ulgamynda döwrebap kanunçylyk özgertmeler» atly ylmy-amaly maslahat geçirildi
1322025-nji – Halkara parahatçylyk we ynanyşmak ýylynyň 14-nji maýynda
Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli Türkmen döwlet medeniýet
institutynda “Medeniýet ulgamynda döwrebap
kanunçylyk özgertmeler” atly ylmy-amaly maslahat geçirildi. Ylmy-amaly maslahatyň institutyň uly
mejlisler zalynda geçirilen açylyş dabarasynda Türkmen döwlet medeniýet
institutynyň rektory, sungaty öwreniş ylymlarynyň kandidaty A.D.Aýdogdyýew giriş sözi bilen çykyş
etdi.
Ylmy-amaly maslahatyň umumy
mejlisinde Türkmen döwlet medeniýet institutynyň syýahatçylyk kafedrasynyň mugallymy G.Meredowa “Baýdagymyz
başymyzyň täjidir, kanunlarymyz kalbymyzyň güýjüdir”, medeni-guramaçylyk işi
kafedrasynyň mugallymy L.Orazowa “Tugum bar – Tugram bar”, myhmanhana işewürligi kafedrasynyň mugallymy
G.Hojanyýazowa “Iki mukaddesligiň sazlaşygy”, režissura kafedrasynyň
mugallym-öwrenijisi N.Baýramow “Konstitusiýa – Watanyň daýanjy”, myhmanhana
işewürligi kafedrasynyň mugallym-öwrenijisi H.Atagulyýewa “Kanunlar kalbymyzyň
güýjüdir”, dünýä tejribesini öwreniş kafedrasynyň mugallym-öwrenijisi
A.Goçmyradow “Belentde parla, Ýaşyl Baýdagym!”,
dünýä tejribesini öwreniş kafedrasynyň mugallym-öwrenijisi M.Kulyýew
“Konstitusiýa we Döwlet Baýdagy mizemez mukaddesliklerdir”, syýahatçylyk
fakultetiniň 3-nji ýyl talyby M.Çaryýarowa
(Ylmy ýolbaşçysy: Türkmen döwlet medeniýet institutynyň syýahatçylyk
kafedrasynyň uly mugallymy G.Öwezowa) “Konstitusiýa we döwlet baýdagy – milli
gymmatlygymyz” diýen temalar boýunça çykyş etdiler.
Ylmy-amaly maslahatyň I bölüminde
institutyň mugallymlarynyň 8-isi (G.Kulowa, B.Kurbanýazowa, G.Öwezowa,
E.Atdaýew, G.Agalykow, L.Babaýewa, A.Rahmanowa, R.Hojaniýazow), magistrantlaryň
6-sy (B.Ataýewa, Ş.Ataýewa,
Ş.Beşerowa, B.Garlyýewa, O.Gulmyradowa, B.Gurbandurdyýewa), talyplaryň 8-isi (B.Annaýewa, E.Ataýew, S.Batyrowa, B.Mämmedorazowa,
S.Nepesow, J.Çaryýewa, G.Hommadowa, O.Käbäýewa) Türkmenistanyň Konstitusiýasynyň we
Türkmenistanyň Döwlet baýdagynyň döwlet we jemgyýetçilik durmuşymyzdaky hem-de
dünýä derejesindäki orny, ýurdumyzy, halkymyzy belent ösüşlere alyp barmakdaky,
ýaş nesillere watançylyk, ynsanperwerlik, zähmet terbiýesini bermekdäki,
parahatçylygy we agzybirligi üpjün etmekdäki taryhy ähmiýeti barada ylmy
çykyşlary diňlenildi.
Ýaş nesliň döwrebap bilim-terbiýe almagy, döredijilikli zähmet çekmegi
babatda ýurdumyzda döredilen şertler, ýaşaýyş-durmuş üpjünçiligi üçin Gahryman
Arkadagymyza hem-de Arkadagly Serdarymyza alkyş sözleri ylmy-amaly maslahatdaky
çykyşlarda giňden beýan edildi.
Ylmy-amaly maslahata gatnaşyjylar onuň maksatnamasyna
laýyklykda Türkmen döwlet medeniýet institutynyň talyp ýaşlarynyň aýdym-sazly
çykyşlaryny diňlediler.
Türkmen döwlet medeniýet
institutynyň
Ylym bölümi.
