ZENANLARA BAGYŞLANDY
409 Ýakynda Türkmenistanyň
Zenanlar birleşiginiň merkezi geňeşi we Türkmen döwlet medeniýet institutynyň
ilkinji Zenanlar guramasynyň bilelikde guramagynda institutyň Mejlisler zalynda
maslahat geçirilidi. Oňa institutymyzyň halypa mugallymlarydyr bagtyýar talyplary
buýsanç bilen gatnaşdylar. Çykyş edenler ýurdumyzda zenan mertebesiniň ähmiýeti
we jemgyýetdäki orny barada giňişleýin gürrüň etdiler. Şeýle-de ýurdumyzda
gender deňligi, gündelik durmuşda, iş ýerlerinde we jemgyýetçilikde deň
hukuklary we mümkinçilikleri ösdürmekde Türkmenistanyň Zenanlar birleşiginiň
Merkezi geňeşiniň tagallalarynyň bütin dünýäde goldanylýandygyny aýratyn
bellediler. Maslahatyň ahyrynda institutymyzyň döredijilik toparynyň
aýdym-sazly çykyşlary oňa gatnaşanlarda ýakymly täsir galdyrdy.
Türkmen döwlet
medeniýet instituty.
