“PÄHIM -PAÝHAS UMMANY MAGTYMGULY PYRAGY” ADY BILEN GÖÇME KITAPHANA SERGISI
945 Türkmen döwlet medeniýet institutynyň kitaphanasy, Türkmenistanyň Döwlet medeniýet merkeziniň Döwlet kitaphanasynyň kitaphanaara abonement bölümi bilen bilelikde “Pähim -paýhas ummany Magtymguly Pyragy” ady bilen akyldaryň edebi mirasyna sarpa goýup, göçme kitaphana sergisini gurnady hem-de kitaphana syny taýýarlady.
Mälim bolşy ýaly şu ýylyň 17-nji maýynda geçirilen Ministrler Kabinetiniň mejlisinde Döwlet Baştutanymyz türkmeniň beýik ogly Magtymguly Pyragynyň doglan gününiň 300 ýyllygy mynasybetli Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň alymlary tarapyndan taýýarlanyp, Türkmen döwlet neşirýat gullugy tarapyndan ýokary hilde “Magtymguly” atly kitabyň çapdan çykandygyny we onda akyldar şahyryň umumyadamzat gymmatlygyna öwrülen goşgularynyň ýerleşdirilendigini nygtady. Täze kitap mähriban halkymyza ajaýyp sowgat boldy.
Türkmen döwlet medeniýet institutynyň we Döwlet kitaphananyň kitaphanaçylary institutyň kitaphanasynda mugallymlaryň we talyp ýaşlarynyň arasynda “Magtymguly” atly kitap boýunça kitaphana synyny geçirdiler. Beýik Akyldaryň umman ýaly giň manyly döredijiligi durmuşyň okuw kitaby bolyp, islendik meselesini çözmekde biz kitaphanaçylar üçin ýol ýörelgedir. Biz kitaphana synyna gatnaşyjylar, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw edýäris.
Gülbahar DURDYÝEWA,
Türkmen döwlet medeniýet institutynyň
kitaphanasynyň müdiri.
