Institutymyzyň täzelikleri

BITARAP TÜRKMENISTANYŇ SEBITARA YKDYSADY HYZMATDAŞLYGY ÖSDÜRMEK UGRUNDA ÖŇE SÜRÝÄN BAŞLANGYÇLARY

Paýtagtymyzdaky Söwda-senagat edarasynda «Halkara parahatçylyk we ynanyşmak
ýyly: durnukly ösüşi üpjün etmekde sebitara ykdysady hyzmatdaşlygyň orny» atly
halkara maslahat geçirildi. Ýurdumyzyň hemişelik Bitaraplygynyň şanly 30
ýyllygyna beslenýän «Halkara parahatçylyk we ynanyşmak ýylynda» geçirilýän bu
maslahata türkmen halkynyň Milli Lideri, Türkmenistanyň Halk Maslahatynyň
Başlygy Gurbanguly Berdimuhamedowyň gatnaşmagy onuň ähmiýetini has-da artdyrdy.
Foruma Mejlisiň Başlygy, Ministrler Kabinetiniň Başlygynyň orunbasarlary,
ministrlikleriň we pudaklaýyn dolandyryş edaralarynyň, jemgyýetçilik
guramalarynyň, köpçülikleýin habar beriş serişdeleriniň, daşary ýurtlaryň
döwlet edaralarynyň we iri kompaniýalaryň, halkara guramalaryň, maliýe
institutlaryň, Türkmenistandaky diplomatik wekilhanalaryň ýolbaşçylary hem-de
wekilleri, talyplar gatnaşdylar. 

Türkmenistanyň
başlangyjy boýunça Birleşen Milletler Guramasynyň Baş Assambleýasynyň 78-nji
sessiýasynda 2025-nji ýyly «Halkara parahatçylyk we ynanyşmak ýyly» diýip yglan
etmek hakynda Kararnama biragyzdan kabul edildi. Şeýlelikde, paýtagtymyzda
geçirilen bu gezekki forum Türkmenistanyň ählumumy parahatçylygy hem-de
durnukly ösüşini üpjün etmäge, sebitara we halkara hyzmatdaşlygyň gerimini
giňeltmäge gönükdirilen halkara başlangyçlarynyň dünýä jemgyýetçiligi
tarapyndan ykrar edilýändiginiň aýdyň beýany boldy.

                                                                                 
Ogulgerek ÇARYÝEWA,

Türkmen
döwlet medeniýet

institutynyň
maglumat ulgamlary

 kafedrasynyň mugallymy.