Garaşsyzlyk bilen buýsançly gadamlar
821 Türkmen halkynyň Milli Lideri Gahryman Arkadagymyzyň «Garaşsyzlyga guwanmak, Watany, halky söýmek bagtydyr» diýen ganatly sözlerinden her bir ynsan ruhlanýar. Şeýle ruha beslenen institutymyzyň professor mugallymlary, talyp ýaşlary hem baýramçylyga döredijilik ruhunda ynamly gadamlar bilen barýar.
Sahna çykyşlary bilen bir hatarda mukaddes Garaşsyzlygymyzdan söz açýan telegepleşikler hem yzygiderli taýýarlanyp halk köpçüligine ýetirilýär. Şeýle asylly ýörelgeler döredijilik ugurly ýokary okuw mekdepleriniň arasynda hem alnyp barylýar. Mukaddes Garaşsyzlygymyzyň gadyr gymmatyndan, ýetilen belent sepgitlerden söz açýan aýdym-sazly telegepleşigiň ýazgy edilmegi, onda Türkmen döwlet medeniýet institutynyň mugallymlary Guwançmyrat Amangeldiýew, Bägül Annabaýewa, Maýa Kulyýewa adyndaky Türkmen milli konserwatoriýasynyň uly mugallymy Agajan Açylow, Türkmen Döwlet çeperçilik akademiýasynyň mugallymy Bahar Magtymowa ýaly mugallymlaryň çykyşlary gyzykly we täsirli boldy. Gepleşikde Garaşsyzlyk ýyllary içinde gazanylan üstünliklerden giňişleýin söz açyldy. Ýerine ýetirilen aýdymlar bolsa, Garaşsyzlyk mukamy bolup ýaňlandy.
Täçnabat IGDIROWA,
Türkmen döwlet medeniýet institutynyň talyby
