SPORTUŇ DÖWREBAP GÖRNÜŞI MEŞHURLYGA EÝE BOLÝAR
370 Berkarar döwletiň täze eýýamynyň Galkynyşy döwründe Hormatly Prezidentimiziň parasatly baştutanlygynda ýurdumyz täze ösüşlere badalga alýar.
Ýakynda Türkmen döwlet bedenterbiýe we sport institutynda fijital-sport boýunça ýaryşlaryň tapgyry we «Açyk gapylar hepdeligi» geçirildi. Paýtagtymyzyň ýokary okuw mekdepleriniň we umumy bilim berýän orta mekdepleriniň toparlarynyň gatnaşýan döwrebap bäsleşigi dört ugur boýunça geçirildi. Fijital-futbol, fijital-basketbol, fijital-stoluň üstünde oýnalýan tennis we fijital-karate-do boýunça fiziki bäsleşikler örän gyzgalaňly geçdi.Mälim bolşy ýaly, «Fijital» adalgasy – physical (beden) we digital (sanly) diýen iki sözden ybarat bolup, hakyky we wirtual birleşmegi aňladýar. Bäsleşigiň bu görnüşinde şol bir topar ilki hakyky sportda, soň bolsa bu sporta meňzeş elektron sport oýnunda göreşýär.Fijital-sport Türkmenistanda täze başlan sport hasaplanylýar. Şu ýylda Türkmenistanly ýaşlar Kazan şäherinde geçirilen «Geljegiň oýunlarynyň» fijital-futbol, fijital-basketbol oýunlaryna gatnaşdylar.
Biziň Türkmen döwlet medeniýet institutymyzyň döredijilik hünärlerinde bilim alýan talyplaryndan ybarat bolan topary hem ýurdumyzda geçirilen bu ýaryşa ýokary işjeňlik gatnaşdylar. Talyp ýaşlar sagdyn aň we beden sazlaşygyndaky sportuň täze görnüşiniň özlerinde örän uly gyzyklanma döredýändigini buýsanç bilen belleýärler.
Tagantäç TUWAKOWA,
Türkmen döwlet medeniýet institutynyň
medeni miras fakultetiniň talyby.
