Institutymyzyň täzelikleri

DEMOKRATIÝANYŇ DABARALANMAGY

Häzirki döwürde Halk Maslahaty Türkmenistanyň Konstitutsiýasyna laýyklykda
hereket edýän halk häkimiýetiniň ýokary wekilçilikli edarasy bolmak bilen,
döwürleriň aýrylmaz baglanyşygyny hem-de nesilleriň dowamatlylygyny, Garaşsyz,
hemişelik Bitarap Watanymyzyň gadymdan gelýän demokratik ýörelgelere, saýlap
alan döredijilikli ýoluna ygrarlydygyny alamatlandyrýar.Bilşimiz ýaly, türkmen halkynyň Milli Lideri, Türkmenistanyň
Halk Maslahatynyň Başlygy Gurbanguly Berdimuhamedowyň gol çeken Halk
Maslahatynyň Prezidiumynyň Kararyna laýyklykda, Halk Maslahatynyň nobatdaky
mejlisi şu ýylyň 24-nji sentýabrynda Aşgabat şäherindäki Maslahat köşgünde
geçiriler. Öňümizdäki umumymilli foruma, biziň institutymyzyň halypa mugallymlarydyr
talyp ýaşlary hem ýokary guramaçylykly taýýarlyk görýärler. Institutymyzyň
bagtyýar talyp ýaşlary halypa mugallymlar bilen bilelikde, telewizion
studiýasynda degişli forum bilen baglanyşykly birnäçe gepleşikleri
taýýarlaýarlar. Şonuň bilen baglylykda, mejlisler zalynda talyp ýaşlar bilen
hoşallyk maslahatlary giňden ýaýbaňlandyrylýar. Esasan, olarda çykyş edenler
Halk Maslahatynyň ýurdumyzyň durmuşyndaky ähmiýeti we ykbal özgerdiji buýsançly
Kararlar hakynda gürrüň edýärler. Forumyň geçirilmegi bolsa ýurdumyzda
demokratiýanyň dabaralanmagyny has-da ebedileşdirýär.