Institutymyzyň täzelikleri

TANYŞDYRYŞ DABARASY GEÇIRILDI

Ýakynda Türkmen döwlet
medeniýet institutynda türkmen halkynyň Milli Lideri Gahryman Arkadagymyzyň
«Hakyda göwheri» atly kitabynyň çap edilmegi mynasybetli tanyşdyryş maslahaty
geçirildi. Maslahatyň dowamynda kitabyň ähmiýeti, baý mazmuny, ylmy taýdan
wajyplygy, ýokary okuw mekdebinde onuň maglumatlaryny peýdalanmak barada
teklipler, hoşallyk sözleri beýan edildi. Gahryman Arkadagymyzyň we Arkadagly
Gahryman Serdarymyzyň parasatly kitaplarynyň ýaş nesiller üçin medeni-taryhy,
terbiýeçilik ähmiýeti çykyş edenleriň çykyşlarynda aýratyn orun aldy.
Maslahatda çykyş edenleriň ählisi şeýle gymmatly, ajaýyp eserleriň Watanymyzda
köp bolmagyny arzuw edip, şu kitaplaryň türkmen medeniýetini dünýäde
dabaralandyrmakda hem oňyn täsiriniň uludygyny bellediler.

Türkmen döwlet medeniýet instituty.