BAÝRY ALYMY ÝATLAP
115Türkmen döwlet medeniýet
institutynda Türkmenistanda ilkinji teatr sungatyny öwreniji alym Guwanç
Keriminiň doglan gününiň 100 ýyllygy mynasybetli döredijilik duşuşygy
geçirildi. Duşuşyk türkmen halkynyň Milli Lideri Gahryman Arkadagymyzyň türkmen
halkynyň taryhyny, medeniýetini, sungatyny ösdürmäge goşant goşan şahsyýetleriň
döredijiligini düýpli öwrenmek baradaky sargytlaryndan ugur alnyp guraldy. Oňa
Türkmenistanyň halk artisti, Türkmen döwlet medeniýet institutynyň baýry mugallymy
Aşyrmyrat Gurbanow, Türkmenistanyň sungatda at gazanan işgäri, “Gaýrat”
medalynyň eýesi, Magtymguly adyndaky Milli sazly drama teatrynyň bölüm müdiri
Hudaýberdi Bäşimow, alymyň gyzy – taryh ylymlarynyň kandidaty, Ý. Kakaýew
adyndaky Halkara Nebit we gaz uniwersitetiniň uly mugallymy Jennet Kerimi,
sungaty öwreniş ylymlarynyň kandidaty, Türkmen döwlet medeniýet institutynyň
Ylym bölüminiň başlygy Sähragül Janmämmedowa dagy gatnaşdylar. Duşuşygy Türkmen
döwlet medeniýet institutynyň magistranty Annasoltan Nunnakowa alyp bardy. Ol
ýerde berlen gürrüňler, sowal-jogaplar talyp ýaşlarda ýakymly täsirleri
galdyrdy. Gatnaşyjylar Hormatly Prezidentimize hem Gahryman Arkadagymyza
medeniýete we sungata goýýan beýik sarpalary üçin hoşallyk sözlerini aýtdylar.
Türkmen döwlet medeniýet institutynyň
Ylym bölümi.
